एकताको नाममा नेकपाको तेस्रो धार जन्माउँदै वामदेव, घोषणा कार्यक्रम माघ १४ गते


हरेकपल January 24, 2021

दुई समूहमा विभाजित पार्टीलाई एकीकरण गर्न अभियान चलाइरहेका नेकपाका उपाध्यक्ष वामदेव गौतमले आफ्नै नेतृत्वमा अभियानको घोषणा गर्न लागेका छन् ।

उनले अभियान घोषणाका लागि माघ १४ गतेको मिति तय गरेका छन् । अहिले उक्त अभियानमा जोडिन चाहने नेताहरुको नामावली संकलन भइरहेको छ।

गौतम निकट पत्रकार विश्वमणि सुवेदीका अनुसार गौतमले आफ्नै संयोजकत्वमा ५०१ सदस्यीय एकता अभियान केन्द्रीय कमिटी बनाउने तयारी गरेका छन् ।

बुधबार बिहान ११ बजे धोवीघाटको सिद्धार्थ कटेजबाट पार्टी एकता अभियान घोषणा गरिनेछ । अभियानले दुवै समूहका शीर्ष नेतालाई भेटेर छलफलका लागि वातावरण तय गर्नेछ ।

नेकपा नफुटेसम्मका उक्त अभियानमा क्रियाशील रहने र फुट भएपछि कुनै एक समूहमा लाग्न अभियानका नेतालाई छुट दिइने बताइएको छ ।