भ्यालेन्सियाद्वारा प्रशिक्षक ग्रासियालाई बर्खास्त


Harek Pal May 4, 2021

एजेन्सी । स्पेनिस क्लब भ्यालेन्सियाले प्रशिक्षकबाट हावी ग्रासियालाई बर्खास्त गरेको छ । ग्रासिया १० महिना अघि भ्यालेन्सियाको प्रशिक्षकमा नियुक्त भएका थिए ।

आइतबार राति ला लिगा अन्तर्गतको खेलमा भ्यालेन्सिया बार्सिलोनासँग ३–२ ले पराजित भएको थियो । सो पराजयपछि भ्यालेन्सिया रेलिगेशन जोनमा रहेका क्लबभन्दा ६ अंकले अघि रहेको छ ।

ग्रासियाको प्रशिक्षणमा यो सिजन भ्यालेन्सियाले मात्रै ८ खेलमा जित दर्ता गरेको छ । ६ पटकको स्पेनिस च्याम्पियन भ्यालेन्सिया हाल लिगको १४ औँ स्थानमा छ ।

अब चार खेल मात्रै बाँकी रहँदा भ्यालेन्सिया संकटमा छ । सहायक प्रशिक्षक साल्भाडोर गोन्जालेजले नै केही समयका लागि प्रशिक्षकको भूमिका निर्वाह गर्ने बताइएको छ ।