माओवादी केन्द्रद्वारा सरकारलाई दिएको समर्थन फिर्ता


Harek Pal May 4, 2021

काठमाडौँ। नेपाल कम्युनिष्ट पार्टी (नेकपा) माओवादी केन्द्रले प्रधानमन्त्री केपी शर्मा ओली नेतृत्वको सरकारलाई दिएको समर्थन फिर्ता लिएको छ ।

पार्टी कार्यालय पेरिसडाँडामा आज बसेको स्थायी कमिटीको बैठकले ओली सरकारलाई दिएको समर्थन फिर्ता लिने निर्णय गरेको पार्टी प्रवक्ता नारायणकाजी श्रेष्ठले जानकारी दिए।

श्रेष्ठका अनुसार बुधबार समर्थन फिर्ताको जानकारी पत्रमार्फत दिइने छ। यसअघि माओवादीले समर्थन फिर्ता लिने निर्णय गर्ने जिम्मा अध्यक्ष पुष्पकमल दाहाल ‘प्रचण्ड’लाई दिएको थियो ।

नयाँ सत्ता समीकरणका लागि नेपाली काँग्रेस र जनता समाजवादी पार्टी (जसपा)सँग भएको छलफल टुंगोमा नपुगेपछि पार्टीले समर्थन फिर्ता लिन सकेको थिएन ।