मेलम्ची हेलम्बु सडक सञ्चालनमा


Harek Pal June 21, 2021

सिन्धुपाल्चोक । असार १ गते आएको बाढीले विच्छेद गराएको मेलम्ची हेलम्बुको सडक मार्ग सञ्चालनमा आएको छ । मेलम्ची नगरपालिका ११ सिमखेतमा बाढीले सडक कटान गर्दा हेलम्बु सडक अवरुद्ध बनेको थियो ।

सिमखेतमा मोटर बाटो सञ्चालनमा आएसँगै हेलम्बु गाउँपालिकाको गणेशे बगरसम्म गाडी जान सक्ने भएको छ ।

हेलम्बु गाउँपालिकाको धेरै ठाउँमा बाढीले सडक बिगारेपछि बन्द भएको थियो । मेलम्ची खोलाको सिमखेत, चनौटे बजारको रातोपुल, चनौटेभन्दा पाँच सय मिटरमाथि पनि सडक खोलाले कटान गरेको छ ।

यस्तै भूमेश्वरी विद्यालयभन्दा पाँच सय मिटरमाथि र गाउँपालिकाको कार्यालयभन्दा माथिका धेरै ठाउँमा बाढीले सडक कटान गरेको छ । मेलम्ची नगरपालिकाको ७, ८, ९, १० तथा इन्द्रावती गाउँपालिका, पाँचपोखरी थाङ्गपाल गाउँपालिकासँगको सडक मार्ग बन्द भएको छ ।

पाँचपोखरी थाङ्गपाल गाउँपालिकाको पनि केही ठाउँमा बाढीले सडक कटान गरेको छ ।