चीनमा एक अर्ब डोज कोरोना खोप लगाइयो


Harek Pal June 21, 2021

एजेन्सी । चीनले कोरोना भाइरसविरुद्धको खोप एक अर्बभन्दा बढी डोज लगाइसकेको छ ।
विश्वमा सबैभन्दा धेरै व्यक्तिलाई खोप लगाउने देश चीन बनेको छ । खोपको मात्रा विश्वभर लगाइएको भन्दा एक तिहाई बढी हो ।

चीनमा खोप अभियान निकै चाँडो सुरु भएको थियो, त्यसको गति तीव्र भने हुन सकेको थिए । कोरोना भाइरसको डेल्टा भेरियन्टको जोखिम बढेसँगै खोप अभियानले तीव्रता पाएको हो ।

चिनियाँ अधिकारीहरुले देशका एक अर्ब ४० करोडभन्दा बढी जनसंख्या मध्ये आउँदो जुलाईसम्म ४० प्रतिशतलाई खोपको पूर्ण मात्रा लगाइसक्ने लक्ष्य लिएको छ।

चीनमा स्थानीय रुपमै विकास गरिएको सिनोफार्म र सिनोभ्याक खोप लगाउने गरिएको छ । दुवै खोप दुई पटक लगाउनु पर्छ ।

डेल्टा भेरियन्टको जोखिम आउनु पूर्व धेरै चिनियाँले खोप लगाउन आनाकानी गरेका थिए । तर संक्रामक डेल्टा भेरियन्टको जोखिम बढेसँगै खोप लगाउनेहरुको संख्या बढेको हो ।